kry jou eie
breinsuiker.co.za
beker nou !

 

T&V’s: suiker nie ingesluit

Soms het ‘n mens net een woord nodig om die bitter in jou weer soet te maak.

Soms het ‘n mens klomp woorde nodig om die bitter soet te kry.

Dan is daar sommige mense wat tevrede is  met net een lepel suiker in hulle koffie.

Die ander mens verkies dalk drie teelepels, opgehoop…

Met tye is die bitter so groot dat net drie suiker-korrels ‘n verskil kan maak.

Dis soos om in die pikdonker van ‘n vertrek te sit en die liggie van ‘n verjaarsdag-kersie op ‘n koek kan die hele vertrek lig maak, maar soms het ‘n mens ‘n paar kerse nodig om lig te gee.

Met die Breinsuiker-boek, blog en website sal daar iewers iemand wees wat dalk net twee woorde saam met hom/haar wil dra.  Dalk ‘n hele sin.  Die beste is om die hele boek saam te dra. 

Sommige gedigte en stories mag donker wees, maar iewers in daardie donker is ietsie soets wat jy kan vat. 

Hou aan glo, gooi nog ‘n lepel heuning in jou dink…dit sal altyd soet bly, al is dit bitter.

Moenie dinge te ernstig opvat nie. Vat net ‘n lepel breinsuiker, dan sal jy OK wees.

SEE VAKANSIE

sal die son ooit uitbrand
wanneer ek my oë toemaak
en salig in die see-sand
vir my ’n lê-nessie maak?

Sal die see ooit oorstroom
wanneer ek in ’n seestroom
ronddryf tot ver in ’n droom
my geliefde blou-blou see?

Sal die maan ooit kaas word
wanneer jy so gou grootword
sonder om my te waarsku
en te sê “ek is nou ’n man”

Sal ek ooit gesond word
wanneer jy agter die volmaan
sit en in ’n blink- knipoog
vir my wink en ’n ster steel?

LIEFDESGEDIG

hoog in die toppe
van ’n mooi boom in
die tsitsikama
het ek ’n voëltjie gehoor

Nuuskierig het ek gesoek
en daar, sowaar, blinkoog
sit die kleine voëltjie en
sing ’n liefdeslied

agter die swartberg en
duskant die karoovlakte
het ek ’n suidoostewind
gehoor fluit, ’n liefdesfluit

iewers op ’n ou plaas
loop ’n voetpad tot anderkant
waar iemand onder ’n windpomp
’n liefdesgedig skryf

waar is die verste horison dan heen
waar kruip die toktokkie weg
waar trommel die miskruier
waar spoeg die oogpister?

Alles is net ’n liefdesgedig
’n liefdeslied
’n liefdes fluit
en liefde vir alles.

DIE KIND IN TUNISIA

dis nou 2:34.15pm
dis asof die son die dink
uit my brein brand, my breinsuiker
oor Tunisia strooi
die kind agter die tralies
se oe wat my met ‘n vraag
gooi…gooi…gooi

en ek bid tot Jesus Christus
en die Moslem vra my om
hom te red uit sy hartseer kyk.
Die son brand nog

stukke breinsuiker uit my brein
en ek vra Die Here God om
dit oor die kind te strooi.

Kind, vat my suiker.
Kind, vat my dink.
Kind, vat my omgee.
Kind, hou vas aan wat jy het.
Kind. Kind. Kind.

En toe knoop daai kind
die groot dink in my los.
Dankie Kind

WEG IS DIE PYN

langs my op die sypaadjie stap die Harlekyn
om my te help lag, sodat gister sehartseer en pyn verdwyn.
Toe verdwyn dit alles, net soos
siemsallabiem…weg is dit.

DIE HEK

maak die hek na jou liefde oop
want daar sal jy ‘n trop wilde perde kry,
daar is velde vol buffelsgras,
en ‘n stroompie wat lag.
Maak my hek oop.

SON

In my siel se sideboard
het ek ‘n versie gebêre.
Toe vra ek vir jou om die vir die son te lees.
Jou hart is die son van my somer